ITANGAZO RIGENEWE KANDI RIHAMAGARIRA ABAFITE IMISHINGA IKENEYE INKUNGA NYUNGANIZI BINYUZE MU MUSHINGA PSAC WA NAEB UGAMIJE KONGERERA UBUSHOBOZI ABAHINZI N’ABACURUZI B'IBIHINGWA BYOHEREZWA MU MAHANGA.
Kilimo Trust ku bufatanye n’Ikigo cy’Igihugu gishinzwe guteza imbere iyoherezwa mu mahanga ry’ibikomoka ku buhinzi n’ubworozi (NAEB) na Minisiteri y’Ubuhinzi n’Ubworozi (MINAGRI), binyuze mu mushinga wa PSAC uterwa inkunga n’Ikigega mpuzamahanga gishinzwe Iterambere ry’Ubuhinzi (IFAD), barahamagarira abahinzi ku giti cyabo (urubyiruko, abagore, abagabo), amakoperative n‘abohereza mu mahanga (exporters) b’ibihingwa biri mu ruhererekane nyongeragaciro rwa kawa, Icyayi, imboga n’imbuto (avoka, imyembe, pacuri, makadamiya, inyanya, karoti, ibitunguru, tungurusumu, imiteja, n’urusenda) kwitabira gusaba inkunga nyunganizi (matching grant).
Abahinzi n'amakoperative bagomba kuba bakorera mu turere 14 umushinga wa PSAC ukoreramo aritwo: Mu ntara
y’Uburengerazuba (Nyamasheke, Rutsiro, Karongi, Nyabihu na Rusizi), Mu Ntara y’Amajyepfo
(Huye, Nyaruguru, Nyamagabe, Nyanza na Ruhango), mu Ntara y’Amajyaruguru (Rulindo na Musanze), mu Ntara
y’Iburasirazuba (Rwamagana na Bugesera)
Abohereza mu mahanga (exporters) bakorera mu gihugu hose bemerewe kohereza imishinga yabo isaba inkunga
nyunganizi.
Ubwoko bw’imishinga ihabwa inkunga nyunganizi igomba kwibanda kuri ibi bikurikira:
- Ibikoresho birinda ibihingwa: Inzu zihingwamo (greenhouses, walk-in tunnels, shade nets), n’ibindi.
- Inyubako zumisha kawa mu buryo butangiza ibidukikije,
- Ibikorwaremezo byo gufata no gutunganya amazi n’imyanda mu nganda zitunganya kawa, imashini n’ibikoresho bitunganya imyanda igahinduka ifumbire cyangwa ibindi bicuruzwa, imashini zo mu buhinzi n’ibikoresho
bigendana nazo, - Ibikoresho byo kuhira, ibikoresho byo gutera imiti, ibikoresho n’imashini zo gusarura, imashini n’ibikoresho byo gutunganya umusaruro (processing), ibikorwaremezo byo guhunika no kubika umusaruro, ibikoresho
n’ibikorwaremezo bifasha mu kubona ibyemezo by’ubuziranenge (certification).
Uburyo bwo gusaba inkunga nyunganizi:
Abifuza iyi nkunga nyunganizi (maching grant) basabwa kohereza imishinga yabo nibindi byangombwa bisabwa hifashishijwe ikoranabuhanga kuri uru rubuga (https://r-yes.com/psac_grant/) buri munsi uhereye tariki 5 kugeza tariki 27 Gashyantare 2026. Abasabye inkunga nyunganizi bose bazasubizwa, abo imishinga yemewe bazamenyeshwa icyiciro gikurikiraho.
Ukeneye ibindi bisobanuro yasura ibiro bya Kilimo Trust Rwanda biherereye I Gikondo muri NAEB cyangwa agahamagara kumurongo wa Tel: +250 780 208 285 kuva kuwa Mbere kugeza kuwa Gatanu guhera saa tatu za mu gitondo (09:00 AM) kugeza saa kumi n’imwe z’umugoroba (5:00 PM).
Murakoze.